شرح طريقة إنشاء مدونة بلوجر

السلام عليكم ورحمة الله وبركاتة
شرح النهارده هيكون عن طريقة إنشاء مدونة بلوجر من الصفر !

الشرح هيكون تدريجي زي مااتعودنا.
- اول جزء لازم يكون عندنا جميل Gmail علي جوجل ولي مش يعرف ازاي يعمل جميل انا شارح ازاي تعمل جميل من هنا

وكما وضحت سابقا يلزم وجود جميل
الخطوه اللي بعد كدا اكتب Blogger او بلوجر بالعربي عيلي جوجل Google

ادخل علي نتيجة البحث دي تسجيل الدخول - Blogger

بعد ماتدخل هتظهرلك الصفحة الموضحة بالصوره

او الصفحة دي

ايا يكن الصفحة اللي ظهرتلك لو ظهرتلك اول الصفحة زي اول صوره كمل واضغط علي CREATE YOUR BLOG وكمل الخطوات هتظهرلك نفس الصفحة اللي موجوده في الصوره
اختار اسم للمدونة بتاعتك في خانة الأسم المعروض واضغط علي متابعة الي Blogger.

بعد ما اخترنا اسم للمدونة وكملنا متابعة هتظهرلنا الصفحة دي.

اضغط علي إنشاء مدونة جديدة.
هتظهرلك الصفحة دي

اول خانة ظاهرة معانا هيا اسم النموزج هنا اكتب اسم المدونة تاني اللي انت عاوزه.

تحته علي طول فيه خانة اسمها العنوان ودي اللي هيكون موجود في الرابط بتاع الصفحة لينك الصفحة ولازم يكون اسم انجليزي مثلا اسم المدونة بس ب الأنجليزي يفضل انها تكون بنفس اسم المدونة دا هيفيدك بعدين لما نتكلم عن جوجل واللي بيفضلة.

- نكمل بعد كدا اخر حاجة وهيا المظهر!
ويقصد بيها هنا التصميم اللي انت عاوزة للمدونة بتاعتك
التصميم بتاع بلوجر مش بيكون شكلة كويس ف هنغير عليه بتصميم احترافي بعدين بس حاليا اختار اي شكل من اللي موجودين.
بعد ماتختار المظهر اللي انت عاوزه اضعط علي إنشاء مدونة!

وبكدا نكون انشأنا المدونة علي بلوجر
طبعا المدونة فاضية مفهاش اي حاجة فية شرح خاص بشرح فية ازاي تضيف مقالات في بلوجر.

إن شاء الله تكونو استفدتم اشوفكم علي خير في الدرس الجاي.

- تعلم المزيد :

- تعلم كيفية اضافة مواضيع علي مدونة بلوجر